NDA NA Admit Card 2026: UPSC कडून महत्त्वाच्या सूचना जाहीर, परीक्षेला जाण्यापूर्वी नक्की वाचा

NDA NA Admit Card 2026: केंद्रीय लोकसेवा आयोग (UPSC) द्वारे नॅशनल डिफेन्स अकॅडमी (NDA) आणि नेव्हल अकॅडमी (NA) परीक्षा (I) 2026 ही 12 एप्रिल 2026 रोजी देशभरातील विविध परीक्षा केंद्रांवर आयोजित केली जाणार आहे. या परीक्षेसाठी पात्र उमेदवारांनी आपले ई-अॅडमिट कार्ड अधिकृत वेबसाइटवरून डाउनलोड करणे आवश्यक आहे.

UPSC यावर्षी कोणतेही कागदी NDA NA Admit Card 2026 पाठवणार नाही. त्यामुळे उमेदवारांनी ई-अॅडमिट कार्ड डाउनलोड करून त्याची प्रिंट काढून ठेवणे बंधनकारक आहे.

अॅडमिट कार्ड आणि पडताळणी सूचना (NDA NA Admit Card 2026)

ई-अॅडमिट कार्डवरील फोटो अस्पष्ट असल्यास किंवा त्यावर नाव व तारीख नसल्यास उमेदवारांनी वैध फोटो ओळखपत्र आणि दोन पासपोर्ट साइज फोटो सोबत आणणे आवश्यक आहे. प्रत्येक सत्रासाठी एक फोटो लागणार आहे. अॅडमिट (NDA NA Admit Card 2026) कार्डमध्ये कोणतीही चूक असल्यास लगेच UPSC ला usnda-upsc@nic.in या ईमेलवर संपर्क साधावा.

परीक्षेची वेळ आणि नियम
परीक्षा केंद्रावर प्रवेश परीक्षा सुरू होण्याच्या 30 मिनिटे आधी बंद केला जाईल. सकाळच्या सत्रासाठी 10:00 वाजता आणि दुपारच्या सत्रासाठी 2:00 वाजता गेट बंद होईल. उशिरा आलेल्या उमेदवारांना प्रवेश दिला जाणार नाही. उमेदवारांनी फक्त त्यांच्या अॅडमिट कार्डवर दिलेल्या केंद्रावरच परीक्षा द्यावी.

परवानगी असलेल्या आणि बंदी असलेल्या वस्तू
परीक्षा केंद्रात मोबाईल, स्मार्ट वॉच, इलेक्ट्रॉनिक उपकरणे, बॅग किंवा पुस्तके नेण्यास सक्त मनाई आहे. आयोगाकडून या वस्तू ठेवण्यासाठी कोणतीही व्यवस्था केली जाणार नाही. फक्त अॅडमिट कार्ड, ओळखपत्र, पासपोर्ट फोटो आणि OMR साठी काळा बॉलपेन नेण्यास परवानगी आहे. साधे घड्याळ चालेल, पण स्मार्ट वॉच पूर्णपणे बंदी आहे.

परीक्षेदरम्यान नियम आणि पुढील प्रक्रिया
परीक्षा केंद्रात कोणतेही इलेक्ट्रॉनिक उपकरण वापरल्यास उमेदवारावर कारवाई होऊ शकते. यात उमेदवारी रद्द करणे किंवा FIR दाखल करणे यांचा समावेश आहे. नाव बदलले असल्यास नवीन नाव असलेले ओळखपत्र सोबत आणणे आवश्यक आहे.

प्रश्नपत्रिकेबाबत तक्रार नोंदवण्यासाठी UPSC कडून 13 एप्रिल ते 19 एप्रिल 2026 या कालावधीत QPRep पोर्टल उपलब्ध करून देण्यात येणार आहे. संध्याकाळी 6 वाजेपर्यंत उमेदवार तक्रार नोंदवू शकतात.

उमेदवारांनी सर्व सूचना काळजीपूर्वक वाचून परीक्षा सुरळीत पार पाडावी, असे UPSC कडून सांगण्यात आले आहे.