शेतकरी योजना 2026: भारतीय शेतीचा कणा असलेल्या शेतकऱ्यांसाठी केंद्र आणि राज्य सरकारकडून विविध कल्याणकारी योजना राबवल्या जातात. 2026 मध्ये अनेक जुन्या योजनांचे स्वरूप बदलले असून काही नव्या योजनांची भर पडली आहे. ‘शेतकरी योजना‘ (Shetkari Yojana) हा सध्या गुगलवर सर्वाधिक सर्च केला जाणारा विषय असून, आपल्या हक्काचा लाभ मिळवण्यासाठी कोणत्या योजना सुरू आहेत आणि त्यात बदल काय झाले आहेत, याची सविस्तर माहिती खालीलप्रमाणे आहे.
१. नमो शेतकरी महासन्मान निधी: 8 वा हप्ता जमा!
महाराष्ट्र सरकारने केंद्र सरकारच्या धर्तीवर सुरू केलेल्या शेतकरी योजनाचे यश मोठे आहे. नुकताच २५ मार्च २०२६ रोजी या योजनेचा ८ वा हप्ता (२००० रुपये) राज्यातील सुमारे ८४ लाख शेतकऱ्यांच्या खात्यात जमा झाला आहे.
- लाभ: वर्षाला ६,००० रुपये (तीन हप्त्यात).
- अपडेट: ज्या शेतकऱ्यांनी अद्याप ई-केवायसी (e-KYC) केलेली नाही, त्यांचा हप्ता रखडू शकतो.
२. पीएम किसान सन्मान निधी (PM Kisan Update)
केंद्र सरकारची ही अत्यंत लोकप्रिय शेतकरी योजना असून, मार्च २०२६ मध्ये या योजनेचा २२ वा हप्ता वितरित करण्यात आला आहे. पीएम किसान आणि नमो शेतकरी अशा दोन्ही योजना मिळून आता महाराष्ट्रातील पात्र शेतकऱ्याला वर्षाला एकूण १२,००० रुपये मिळत आहेत.
३. पुण्यश्लोक अहिल्यादेवी होळकर शेतकरी कर्जमाफी योजना
राज्यातील महायुती सरकारने ३० सप्टेंबर २०२५ पर्यंत थकीत असलेल्या कृषी कर्जासाठी २ लाख रुपयांपर्यंतची कर्जमाफी जाहीर केली आहे.
- ताज्या बातम्या: या शेतकरी योजना संदर्भातील ‘परदेशी समिती’चा अहवाल १५ एप्रिल २०२६ पर्यंत येणार असून, त्यानंतर प्रत्यक्ष लाभ मिळण्यास सुरुवात होईल. यासाठी राज्य सरकार सुमारे ३५,००० कोटी रुपयांची तरतूद करणार आहे.
४. मागेल त्याला शेततळे आणि सौर पंप योजना
शाश्वत सिंचनासाठी ‘मागेल त्याला शेततळे’ ही शेतकरी योजना पुन्हा जोमाने राबवली जात आहे.
- अनुदान: शेततळ्यासाठी ५०,००० रुपयांपर्यंत आर्थिक मदत दिली जाते.
- सौर पंप: कुसुम योजनेअंतर्गत शेतकऱ्यांना ९०% ते ९५% अनुदानावर सौर पंप उपलब्ध करून दिले जात आहेत, जेणेकरून रात्रीच्या वेळी वीज जाण्याच्या संकटातून सुटका होईल.
५. 1 रूपयात पीक विमा (Crop Insurance)
नैसर्गिक आपत्ती, अवकाळी पाऊस किंवा दुष्काळामुळे होणारे नुकसान भरून काढण्यासाठी केवळ १ रुपयात पीक विमा उतरवण्याची सुविधा सरकारने कायम ठेवली आहे. यामुळे अल्पभूधारक शेतकऱ्यांना मोठा आधार मिळाला आहे.
६. महा-DBT पोर्टल: सर्व योजना एकाच ठिकाणी
ट्रॅक्टर खरेदी, ठिबक सिंचन, तुषार सिंचन किंवा शेती अवजारांवर अनुदान हवे असल्यास आता केवळ महा-DBT (MahaDBT) पोर्टलवर एकच अर्ज करावा लागतो. लॉटरी पद्धतीने लाभार्थ्यांची निवड केली जाते.
अर्जासाठी आवश्यक कागदपत्रे (Documents Required)
बहुतेक शेतकरी योजनांसाठी खालील कागदपत्रे अनिवार्य आहेत:
- ७/१२ उतारा आणि ८-अ उतारा.
- आधार कार्ड (बँक खात्याशी लिंक असलेले).
- बँक पासबुक झेरॉक्स.
- जातीचा दाखला (आवश्यक असल्यास).
